- 86 -

1328. Mai 29. Liegnitz.

Herzog Boleslaus bestätigt den Verkauf eines Stückes Haag an die Stadt durch Heinrich de Ruya und seinen Sohn Ticzco.

In nomine domini amen. Nos Bolezlaus dei gracia dux Slesie dominus in Legnicz ad vniuersorum, tam presencium quam futurorum, noticiam hujus pagine testimonio volumus deuenire, quod coram nobis constituti, Henricus de Ruya et Ticzco filius ejus sani mentum et corporum, non compulsi, nec coacti, cum consensu et assensu amicorum suorum vendiderunt rite et racionabiliter fidelibus nostris ciuibus Legniczensibus nostre ciuitatis ejusdem, ortum vnum cum parte vna seu pecia Gaij, quod Hab dicitur in vulgari, cum fundo ejusdem Gaij pro quinquaginta marcis grossorum Pragensium Polonici pagamenti, inchoando secundum longitudinem a grenicijs molendini siti prope ciuitatem nostram Legniczensem dicti Plankinmul, protendendo fluuium Kaczbach sursum vsque ad alnum, stantem in obstaculo iam dicti fluuii inter molendina scilicet Scherfmul et Arnoldi de Stynauia, felicis memorie, et secundum latitudinem inter predicti fluuii circumfluenciam et riuuli fluentis ex Caczbach penes dictam alnum et redeuntis in meatum ejusdem fluuii Kaczbach et inter ortos videlicet Siffridi de Brokothindorf et alios adiacentes vsque ad prefatum molendinum Scherfmul, a iam dicto molendinoque vsque ad alnum sepius memoratam et coram nobis resignauerunt, nemine reclamante, abrenunciantes omnibus accionibus, repeticionibus et impeticionibus, quoque juribus, vel que in dictum ortum et Gaium per se vel per suos heredes et successores possent habere in presenti vel eciam in futuro. Nosque attendentes fideles famulatus nobis per antedictos ciues nostros multiformiter exhibitos et adhuc domino fauente succedente tempore exhibendos volentes eos nostris seruiciis reddere prompciores, antedictum ortum cum dicta parte Gaii contulimus nostris ciuibus Legniczensibus ejusdem ciuitatis nostre sine quolibet seruitutis onere et grauamine libere et quiete perpetuis temporibus possidenda, tenenda, habenda, donanda, vendenda, commutanda et in vsus suos placidos conuertenda, prout ipsis videbitur vtilius et conueniencius expedire, addicientes dicte collacioni et nichilominus adiungentes fundum Gaij et vniuersas pertinencias et vtilitates orti et Gaij, quocunque nomine censeantur. In cujus rei testimonium presentes litteras nostri sigilli robore duximus insignari. Actum et datum in Legnicz die sancte Trinitatis anno domini MCCC° vigesimo octavo presentibus de Sylicz, Theodrico Predil, Johanne Kurdebok, Johanne Rymberg, Heinrico Gusk, Nycolao Woycechsdorf et Helymboldo, curie nostro notario.

O. d. St. L. No. 34, an Schnüren von rother und grüner Seide das stark beschädigte grosse Siegel. — Bitschens Privilegb. f. LX.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866